ياساده يا مدونين:
إيه بقى ولا كأنى كتبت بوست ولا حاجه ولا حد يعلق على بوست (نهاية العريس رقم 58 )ولا حد يحتفل معايا بإنه مشى فى ستين سلامه
ماحدش قراه ولا ايه؟
مانتوا كل شويه تدخلوا وتسألوا عملتى إيه ؟
دلوقتى خلاص الكل نفضلى معناه ايه السكوت ده كان عاجبكم ولا ايه ؟
لسه حاسين انى بتأمر ؟
ماهو حاجه من الاتنين يا ما قريتوا البوست ومالقتوش حاجه تقولوها غير مصمصة شفايفكم وطبعا دى مش هاتنفع تنكتب
يا اما شايفين انى بتامر ومالكوش نفس تعلقوا لانكم زهقانين منى
المشاركات
10 التعليقات:
ودي تيجي برضوا ماينفعش مانقراش ولا نعلقشي
بس الجو كان جو حزن ومرض وبرد
لا طبعا ده كان لازم ياخد استمارة 6
ده عايز داده ياماما مش زوجه
مش ممكن الرجاله اتجننوا
ده اكيد جنن الموووودام الاولي وداخل علي التانيه يجننها
الف مليون سلامه عليكى يا شموسه بجد مبسوطه من تعليقك جدا والله لو تعرفى بالجمله دى عملتيلى سابورت قد ايه؟ بس المهم بكون رأيك بجد وماتكونيش خايفه تقولى الحقيقه لاحسن ازعل
لا ياحبيبتي ده راي بجد الجد
لو تزوجتي هذا الكائن عمرك ماهيكون ليكي حياة ولا خصوصية ولا اي حقوق اصلا
الحمد لله انك رفضتيه
الحمد لله وعجبتنى قوى (هذا الكائن) بجد مش عارفه الناس دى بتفكر ازاى
إتقن زيف التواضع .. حدثها كـ الرجال
فرفضي صار دافع .. لتثيت شيء محال #
دي إجابة الامتحان يا أستاذه :)
" مدونة هجايص .. عمل جميع أنواع المفاتيح "
هههههههههههههه
بالنسبة للبوست السابق : لسه النصيب ما جاش :)
ميرسى على اهتمامك حلوه ولو انى مش حاساها اوى او يعنى مش حاسه نفسى فيها او بمعنى ادق مش حاسه بقوتى فيها يعنى ممكن تاخد امممممممممم8 من 10 وطبعا لسه النصيب ماجاش يا مسهل
اول مرة اعلق هنا مدونة جميلة وانت تستاهلي زوج كويس وان شاء الله ربنا يوفقك
ميرسى جدا يا محمود واتمنى ان تكون المدونه عجبتك وتتابعنى على طول
معلش سؤال غلس
المدونة دي تجاربك الشخصية بجد
و لا ايه عشان بس مش عاوز اتصدم ابدأ اقرا و انا فاهم انا بقرا واقع و لا لأ
يريرت تردي عليه في البوست الجديد في مدونتي
هههههههههههه
الان ممكن اقرأ باهتمام
الخبرات يا اختي الخبرات تولد الحركات
إرسال تعليق