الأربعاء، ٢٢ فبراير ٢٠١٢

الكارثه رقم 69



ليه هادخل على الكارثه رقم 69 ؟
انا ماتلخبطش فى الحساب ولا حاجه انا عارفه ان اخر عريس كان رقم 67 والمفروض انى احكى حكاية العريس رقم 68 قبل ماأحكى على رقم 69 
ولكن للأسف خساره أجيب سيرة الدهولل رقم 68 
وخصوصا انى ماشفتوش وكان بالنسبه لى شبح 
لسبب بسيط جدا لأن حضرته ماجاش أصلا وبعتلى المحروسه أخته تشوفنى
 على إعتبار انها عارفه ذوقه وعارفه ايه اللى يعجبه وايه اللى مايعجبوش
 مش بالذمه ده هبل ؟
يعنى ولنفرض إنى مانزلتش لأخته من زور لأى سبب من الاسباب
 يبقى ده معناه إنه هو كمان مش هايقبلنى ؟
 طب لو فرضنا انى عجبت أخته برضه لأى سبب من الأسباب
 ده معناه إنى هاعجبه هو كمان وهايتقبلنى زوجه ؟؟؟؟!!!!
مش بالذمه أنا بتعامل مع أشكال عالم متخلفين ؟
يعنى من أولها دهولل ومش عارف يختار لنفسه وباعت أخته تنقيله هى 
يارب يولع فى كل الرجاله المتخلفين الأغبياء
أظن مالكوش حق بعد كده تقولوا بقى انى بتأمر
يتبع....

4 التعليقات:

شمس النهار يقول...

ازك اولا يارب تكوني بخير

البوست اللي فات هاااااايل وياريت كل بنت تقرا وتستوعبه

اما العريس اللي بعت اخته ده

واضح انه عايز يريح نفوخه
اهي اختي اللي تختار علشان ماتشتكيش منها

beautiful mind يقول...

دي ناس عايزه تختصر
بتجيب من الاخر يعني
يعني هو يعرف كل حاجه عن العروسه وهي متعرفش عنه ولا حاجه
وخدي من دا كتير
تحياتي

مذكرات موززه عانس يقول...

شموسه
تفتكرى ؟
لا اعتقد ذلك ده نوع من انواع العنجهه الفارغه ليس الا قابلته كتير مع وكلاء النيابه والمستشرين اصله البيه ده مستشار ودايما بيكونوا حاسين بنفسهم وعايزين العروسه تعدى على حد يعملها بحث حاله قبل ماتتشرف بمقابلتهم

مذكرات موززه عانس يقول...

beautiful mind
مانا واخده والله من ده كتير ربنا يقل منهم بقى ههههههههههههه

إرسال تعليق