الثلاثاء، ١٤ مايو ٢٠١٣

الكارثه رقم 77

خلاااااااااص
 بقيت بدون الكوارث لمجرد التدوين بس عشان متلخبطشى فى العد مش اكتر
 انما مبقتشى بدون بمزاج بالتفاصيل زى زمان
 زهقت 
ومبقاش عندى مراره
 حاسه ان خلاص الرجاله خلصت حاجه تقرف حقيقى 
وعشان كده مش هاطول فى البوست ده لانى مليت من الحكى:(
الكارثه رقم 77 كان عايش فى السودان معرفشى بيشتغل ايه 
وبعدين رجع مصر فى الظروف المهببه دى وفتح شركه للتجاره وبرضه مهتمتش اعرف تجارة ايه 
وعنده 39 سنه وكان متجوز واحده اهله فرضوها عليه وبعدين طلعت بالاضافه الا انه مبيحبهاش انها مريضه نفسيا واتطلقوا من غير ما يبقى بينهم اولاد لسبب بسيط انه كان بينزل اجازاته فى ايام مينفعشى يحصل بينهم علاقه عشان ماتحملشى منه وده طبعا على حسب كلامه 
ولما قعدت معاه على نغمه واحده ماخدوش يا بابا مخدوش يا بابا مخدوش يا بابا
ملحوظه : اللى جابتلى العريس رقم 76 هى نفسها اللى جابتلى العريس رقم 77
ومش هاحط صوره للبوست :)

6 التعليقات:

فجـــر الفـــؤاد يقول...

كل ده اكتئاب يا بنتي فوكيها هتعدي النصيب على ساعه
لا الي بيجيلها عاجبها و لا الي مش بيجلها عاجبها

شمس النهار يقول...

صباحك فل العريس 76 و77
من صديقة واحدة
غيري صحبتك :)
:))
ماحدش عارف بكره فيه ايه

Nash يقول...

انا لفيت في مدونتك شوية
وشايف انك شخصية جميلة ومضحكة
وان اغلب الرفض مش لازم يكون بسبب ان العرسان وحشيين
في ناس مش بتعرف تأخد على الناس من أول مرة
والدليل ان يما ناس قولنا عليهم رخميين وطلعوا بعد كده في منتهى الظرف
..
معلش في الملاحظة دي :
انا حاسس ان بيكون عندك ميل للرفض قبل ما تقابلي العريس كنوع من كسر القيود اللي ممكن تكون مفروضة عليكي من المجتمع والناس ( عايزه تثبتي لنفسك انك حرة )
..
انا اصلاً شايف ان جواز الصالونات ده فكرة وقحة وممكن تآثر على نفسية الواحد ، مع العلم اني غالباً هاتجوز بيها :) ده لو اتجوزت
..
معلش بس في السؤال ( انا عارف ان المعلشات بتاعتي كترت :P ) :
هو انت لما كنتي في سن العشرين كده ، كنتي ممكن تقبلي انك تتجوزي واحد مطلق او عنده اولاد ؟؟ ولا السن وكلام الناس اثر
..
وفي الآخر ربنا يرزقك وربنا بناتنا كلنا :)

مذكرات موززه عانس يقول...

اهم حاجه عندى القبول والشخصيه وحتى لو كنت فى العشرين وجالى شخصيه كويسه وانا متقبلاه حتى لو متجوز او مطلق كنت هوافق

مذكرات موززه عانس يقول...

شموسه :
لا مش هغيرها بس مش هاشوف عن طريقها عرسان نهائى
عرفت ذوقها خلاص :)

مذكرات موززه عانس يقول...

فجر الفؤاد:
لا خلاص الاكتئاب ده كان ساعتها انا دلوقتى بييس :)

إرسال تعليق