الأحد، ١٩ ديسمبر ٢٠١٠

وقعته سووووووووووووووودا


وقعته سوووووووووووووودا 

رد العريس وقال عجبانى  ومرتاح لها وكان عنده رغبه إن يكون فى قاعده تانيه مع بعض عشان نعرف بعد أكتر وأنا يومها روحت صليت إستخاره كالعاده وكنت بجد ناويه أقول لأ بالثلث وبعدين بصراحه لما فكرت قلت يا بت يا بمبمونه بلاش تتسرعى مش مدلوقه على الجواز إنما عشان بس ماندمشى فى يوم من الأيام  ويطلع حد كويس وكمان عشان ماحدش يلومنى ولا يعتب عليا ويمكن أكون فاهماه غلط.

 ورجعت فى كلامى ورديت أنا كمان وقلت أوكيه نتقابل تانى بس بينى وبين نفسى قررت إنه لو أنا فاهماه فعلا غلط على إعتبار إنه ده رأيه لكن فى الأخر هايخيرنى ومش هايجبرنى أسيب شغلى ودراستى يبقى كفى المؤمنين شر القتال.

لكن بقى لو هايكون ده شرطه عشان يتجوزنى على أعتبار برضه إنه بيمن عليا لم هايتجوزنى وبيقدم لى خدمه يبقى وقعته سووووووووودا ومش خساره فيه والله إنى أقعد معاه عشان أعلمه الأدب بس.

وماحدش هايرحمه من إيدى وأى حد فيكوا متعاطف معاه مايعرفوش عشان يلحق يحذروه وينفد بجلده .

ميعاد المقابله يوم الثلاثاء الموافق 21/12/2010 وابقوا ورونى هاتحذروه إزاى.
للحديث بقيه

8 التعليقات:

موناليزا يقول...

طيب بما ان النهاردة الثلاثاء بفكرك انك تقومى تلبسى وتستعدى للزيارة
وهنستنى اخر الاخبار:)

Tamer Nabil Moussa يقول...

النهاردة الثلاثاء

نقول مبرروك


مع خالص تحياتى

P A S H A يقول...

ماذا فعل الله بك ؟؟

مذكرات موززه عانس يقول...

موناليزا خايتنى كتير عشان اخر الاخبار الوضوع ده من المواضيع اللى بتطول شويه

مذكرات موززه عانس يقول...

تامر كان بودى تقول مبروك

مذكرات موززه عانس يقول...

باشا هاتعرف إيه اللى حصل لما أنا اعرف الاول

همزة يقول...

واضح ان الغلبان وقع فى يد من لا يرحم
عروسة دى والا زومبى

مذكرات موززه عانس يقول...

تايهه وحيرانه هانعرف اذا كان غلبان ولا لا وبرده هاتعرفى اذا كانت عروسه ولا زومبى

إرسال تعليق