الجمعة، 7 أكتوبر، 2011

مكتئبه

ايوه مكتئبه جدا ومش عارفه اعمل ايه معقوله اتجوز عشان زهقت وتعبت من كلام الناس ؟؟
معقوله كل مبادئى اللى كنت مؤمنه بيها اضرب بيها عرض الحائط  كده ؟؟
طب اعمل ايه ما انا زهقت من العيشه لوحدى بس فى نفس الوقت حاسه انى بعد الجواز مش هاكون مع حد برضه هاكون لوحدى 
انسان غير مهتم على الاطلاق ممكن يعرف انى مسافره ومايتصلشى يطمن وصلت ولا لسه وممكن يعرف انى عيانه ومايكلمنيش يطمن عليا 
طب ده عيب يعنى؟
ده سبب كافى انى ارفض؟
طب كل الناس بيقولوا عليه طيب يعنى معقوله اتجوزه عشان بس طيب ؟ 
وكمان ميزته الوحيده دى عيب بالنسبه لى لانى انا مش بحب الرجل الطيب انا عايزه واحد حمش
ايون عايزه سى السيد
مش يعنى يزعق لى على الفاضيه والمليانه بس يكون شديد وحنين فى وقت واحد يعرف يتعامل بده امتى وبده امتى
معقوله العقليه دى خلاص مابقتشى موجوده ؟
كل الرجاله بقوا دهولات مافيش واحد فى الدنيا دى كلها ينفع لى ايه القرف ده  ؟
انا مضايقه ومش عارفه اعمل ايه ساعات بقول زهقت واتجوز بقى وخلاص بس لامتى هابقى انا كمان طوبه ومش متحمسه ماهو اكيد هو مش هايعجبه انى على طول مش متجاوبه معاه ولا يمكن هاتغير من تلقاء نفسى بعد كده؟
مش عارفه مش عارفه
 :((((

1 التعليقات:

شمس النهار يقول...

في ايه بونبونة بس
وحدي الله

عادي اللي بتمري بيه ده عادي
لاتقلقي
ده ظاهرة صحية
وان شاء الله لما يجي النصيب مش هتتكلمي نص كلمة
والرجل الطيب احسن من الرجل الحمش
الطيب عنده رحمة
الحمش بح مافيش اليويمن دول وخصوصا النوع اللي بتتكلمي عليه
:))

إرسال تعليق