الاثنين، ١٠ أكتوبر ٢٠١١

مفاجأه

اتصلت بيا صديقتى وقالت لى جايبالك عريس
استنوااااااااااااااااااااااااااااااا 
ده مش عريس جديد اصبروا على ماتفهموا
قالت لى ايه بقى خير اللهم اجعله خير
ان العريس ده عنده 42 سنه وانه كان مطلق وعنده بنتين مع مراته قمت انا ضاحكه وقايله لها ايه المواصفات الغريبه دى هى افتكرت انه مش عاجبنى لكن طبعا انا كنت اقصد انه شبه مواصفات البيه رقم 63 
ااااااه هو تخيلوا !!!!!!!! هو
البيه بيدور على عروسه وهو بيكلمنى فى التليفون 
لما شموسه قالت لى انه اكيد بيشوف عرايس تانيه هو كمان ماصدقتش وكمان معلقتش على كلامها لأنى قلت ده اكيد مش مستعجل لكن فعلا طلعت فاهمه غدر الرجاله اكتر منى عموما انا ماتصلتش بيه من ساعة مااتقدملى لكن كلمته امبارح واديته اللى فيه النصيب اومال هاسكتله؟؟
هو انا مش ماليه عينه ولا ايه 
؟؟
عموما لجل بخته الاسود اهو طلعت انا برضه هههههههههههههههههه 
هم يبكى وهم يضحك 
اهو اللى حصل ده فكرنى بالنكته اللى بتقول (واحد حب يتجوز على مراته طلعت هيا)
حاسه ان مافيش عروسه فى البلد غيرى
بس للأسف الموضوع لسه شغال:((((((((

6 التعليقات:

شمس النهار يقول...

ضحكتيني ضحك

امووووووت واعرف قلتيله ايه وقالك ايه:))))

ده حتت موقف

اما عن غدر الرجالة
محسوبتك تخصص دبلومة وماجستير ودكتوراه في نفس واحد:)))))

وعلشان خاطر ربنا شيلي الكلمةالتأكيدية

مذكرات موززه عانس يقول...

الحوار فى العدد الجاى :)
لكن اى كلمه تأكيديه ؟؟

موناليزا يقول...

أولا بشكرك جدا على تعليقك عندى ومواساتى
ثانيا وده الأهم أنتى زعلانة منى ليه؟؟
أنا قلت إيه ضايقك ؟؟
ياريت تفكرينى بجد

مذكرات موززه عانس يقول...

موناليزا :
الموضوع بسيط جدا دا انتى اللى اضايقتى لما علقت على تعليق حد عندك وقلتى لى ياريت تعلقى على البوست لأن ماحدش بيعلق على تعليق حد
وانا عشان كرامتى وارمه حبتين:) مابقتش اعلق تانى بعد كده بس
بس ده مايمنعشى انى بحترمك جدا وبقدرك وانتى كمان واستينى من غير ماتشعرى ببوست قريته عندك وانا متضايقه:)

موناليزا يقول...

طيب ياستى بما إن النفوس صافية:)
أنا ماضايقتش أنا بس بعرفك لأن فى الغالب محدش بيقرأ التعليقات واللى أنتى بتوجهى له كلامك مش هيقرأه فبوفر عليكِ:)
وحقك عليا لو كان أسلوبى وجع كرامتك :)
وأنتى تنوى مدونتى دايما وتعلقى فيها زى ما تحبى

مذكرات موززه عانس يقول...

اوكيه انتى فعلا وضحتيلى وجهة نظرك وعلى كل حال انا برضه كنت برخم وبقرالك مش هجرت المدونه نهائى يعنى:)وميرسى اوى على اهتمامك وان شاء الله دايما نتابع بعض ونواسى بعض وربنا يخفف عننا كلنا

إرسال تعليق