الجمعة، ١٤ أكتوبر ٢٠١١

انا مش حباه ولا كرهاه

انا عارفه انى حاده جدا معاه وردودى جافه وهو قال كده 
بس انا بجد مش عارفه اكون غير كده هو طلب منى صراحة انى اخليه يحبنى لكن انا قلت لا لان الحب ده احساس يا موجود او مش موجود 
ماينفعشى اخليه يحبنى 
هو ينفع بس لو انا عايزه او لو انا بحبه وعايزاه يحبنى زى مابحبه
لكن انا مش بحبه ومش هاقدر اخليه يحبنى لان ماعنديش دافعيه لكده هو كمان مش شخصيه تعرف ازى تحبب اللى قدامها فيها كل واحد فينا مستنى التانى يعمل الخطوه الاولى وانا مش هاعمل الخطوه الاولى الا على جثتى ومش هابذل مجهود عشان احببه فيا 
مش هو الرجل ؟؟؟!!!!
وهو الطرف الاقوى فى العلاقه؟؟؟؟!!!!
يبقى خلاص يتحكم هو بقى فى العلاقه
انما بجد الرجل ده مخلوق غريب جدا يحب يكون الطرف الاقوى فى العلاقه لما يجيله مزاج ويحب يكون الطرف الاضعف لما برضه يجيله مزاج لكده وانا بقى ونعم البنات عايزه اكون الطرف الاضعف فى العلاقه ومش هاعمل حاجه نهائى ويحصل اللى يحصل


6 التعليقات:

موناليزا يقول...

خليكى على موقفك
أنا بؤييدك
ما ينفعش تيجى على نفسك وبالذات فى موضوع الزواج

مذكرات موززه عانس يقول...

موناليزا:
ماهى المشكله انى مش هاجى على نفسى عشان خاطر حد كنت اخدت القرار على طول لكن انا انا هاجى على نفسى عشان خاطر نفسى برضه لانى بفكر انى زهقت من العيشه لوحدى

شمس النهار يقول...

ماتحاوليش تتخذي اي قرار
تحت بند انك زهقتي
انا بحذرك
وقد ازرع من ازرع

وسيبي نفسك كده ماتقرريش حاجة واعملي اكتر من استخارة وفوضي امرك لله

مذكرات موززه عانس يقول...

شمس النهار:
حاضر:((((

Tamer Nabil Moussa يقول...

الحكاية مش حكاية مين تكون البداية علية بس مدام مش عندك عاطفة واحساس بة يبقى خلاص نفضى

مع خالص تحياتى

مذكرات موززه عانس يقول...

تامر:
شكلها كده انا بديه 3 من عشره تفتكر ده كفايه عشان جوازه ناجحه

إرسال تعليق