الاثنين، ١٥ أكتوبر ٢٠١٢

الكارثه رقم 74

بسم الله الرحمن الرحيم 
ندخل بقى على الكارثه رقم 74
 النهارده بالصلاة عالنبى بعتلى شاب مصرى مقيم فى امريكا طلب اضافه على الفيس :D
ايون جواز بالمراسله :D
 هى جديده ومش حصلت لى قبل كده بس كل ده فى اطار حملة (يارب اكملهم 100 ) يمكن ادخل موسوعة جينيس 
بس طبعا لو عجبنى كلامه هاينزل نتجوز جواز عادى حاكم انا مش من اللى بيلبسوا فساتين الفرح فى المطار والجو البيئه ده 
يا مسهللللللللللللللللللللللللللللللللل
يتبع ....  

5 التعليقات:

شمس النهار يقول...

مين عارف:)
وعايزة اقولك ان في امريكا شباب مصري مسلم مش عارف يتجوز
ومشكلته ان عايز يتجوز من مصر
ومابيلحقش يتعرف علي العروسة
فالو عندك فرصة تعرفوا بعض وتقدري تقرري شخصيته ازاي ليه لأ
لكن تأكدي الاول من شخصيته
وانه مش بيلعب
او شخصيه وهميه

محمد سلامة يقول...

نفسى مرة متقوليش يتبع بأحس إنى بأشوف مسلسل وعند الحتة اللى فيها الإثارة بينتهى :)
ومع كدة منتظر الجديد
تحياتى :)

مذكرات موززه عانس يقول...

شموسه :
اطمنى ده صديق اخو صاحبتى اللى مقيم اصلا فى امريكا ويعرف عنه كل حاجه :)

مذكرات موززه عانس يقول...

مسلم :
بسطتنى وحسستنى انى شاطره انى عرفت اثير فضولك :)
معنا تجدوا مايسركم

شمس النهار يقول...

طيب كويس ربنا معاكي :)

إرسال تعليق