الخميس، ٤ أكتوبر ٢٠١٢

فترة كسااااد !





طبعا المدونه وحشتنى جدا والكتابه فيها وحشتنى جدا

 بس اعمل ايه ؟

 مش متعوده اكتب فيها غير لما يبقى فيه عرسان قصدى كوارث

,ماهو انا هافضل اقول على عرسانى كوارث لحد ماالاقى حد عدل ينفع يتقال عليه عريس

 وبالمناسبه انا كان عندى فترة كساد بعد العريس رقم  72  لحد العريس رقم 73

هاتقولوا لى ايه ده ؟

انتى هاتحمرئى ؟

 اخر واحد كان العريس رقم 70 يبقى الجاى رقم 71

هاقولكم ماكنشى يتعز ,بصراحه انا مضطررره اسفه انى ماكتبشى عن العريس رقم 71 لانه قريبى وشخصيه بحترمها جدا

( ورجل كوباره)وبما انى لازم اعمل حساب (لفرق السن وفرق الطول وفرق العيال )

 فا مش هاقدر اصنفه تحت مسمى كارثه والحدق يفهم بقى (وش بيغمز)

المهم انى لازم ادى طبعا العريس قصدى الكارثه رقم 72 حقها واكتب عنها فى بوست  لوحدها لانها كارثه من النوع التقيل التقيل اوى

وعشان كده هاقفل البوست ده على كده واكتب بوست تانى عن الكارثه رقم 72

4 التعليقات:

Tamer Nabil Moussa يقول...

السلام عليكم


ادعوكى لحضور حفل توقيع ديوانى الاول

يسعدنى حضورك

التفاصيل فى المدونة عندى

مع خالص تحياتى

P A S H A يقول...

إن شاء الله النصر ييجي في الـ 73 D:
كل سنة وانتي طيبة بمناسبة 4 أكتوبر :))

مذكرات موززه عانس يقول...

تامر:
الف مبروك وان شاء الله هحاول اجى
هدخل على المدونه واقرأ التفاصيل

مذكرات موززه عانس يقول...

سعادة الباشا :
ماعتقدتش لو كنت قريت البوست بتاع الكارثه رقم 72 كويس كنت فهمت ان مافيش امل من ال73 :)

إرسال تعليق